Lexoni edhe:
Hoti e pret në takim Atasheun e ri ushtarak të SHBA-së, Stephen Rose
Ministri i Arsimit, Ramë Likaj është zotuar se do të jenë të kujdesshëm në shpenzimin e parasë publike. Këtë ai e ka bërë gjatë mbledhjes së Komisionit për Mbikëqyrjen e Financave Publike, ku është miratuar raporti i Auditimit për pasqyrat financiare të Ministrisë së Arsimit, Shkencës dhe Teknologjisë, për vitin 2019.
Likaj ka thënë se digasteri të cilin e udhëheq po i përfillë rekomandimet e Zyrës Kombëtare të Auditimit për t’i zvogëluar shpenzimet.
Hoti e pret në takim Atasheun e ri ushtarak të SHBA-së, Stephen RoseLexoni edhe:
“Çështja e klasifikimit të shpenzimeve është adresuar. Çështja e mangësisë për rregullimin e sistematizimit të pozitave të punës. Çështja e marrëveshjes së shërbimeve të veçanta, është ndërprerë dhe nuk është vazhduar… Ne jemi duke punuar vazhdimisht për t’i zbatuar të gjitha rekomandimet që janë nxjerrë nga raporti i ZKA”, tha ai.
“Do të jemi shumë të kujdesshëm në shpenzimin e parasë publike”, theksoi Likaj.
Deputeti i AAK-së, Ali Berisha ka thënë se raporti i auditimit për këtë ministri është shqetësues. Ai ka thënë se këto parregullsi mund të adresohen në Prokurori, por sipas tij, duhet vullnet nga udhëheqësit e MASH-it.
“Raporti i kësaj ministri është shumë shqetësues dhe ka shumë gjetje. Këto gjetje ka vend që mund të adresohen në prokurori dhe nëse këtë e kanë vullnetin mund ti zgjedhin këto”, ka thënë ai.
Ndërkaq deputetja e LDK-së, Besa Gaxheri ka thënë se në raport është identifikuar një shumë mbi 1 milion euro si keqklasifikim i një kategorie jo adekuate.
“Raporti i auditimit ka gjetur që kontrollet mbi të hyrat zbatohen mirë ndërsa ato në shpenzime kërkojnë ende përmirësime”.
“Raporti ka identifikuar një shumë mbi 1 milion euro si keq klasifikim i një kategorie jo adekuate. A kanë universitetet zyrtarë ligjor dhe a janë efektivë?”, ka pyetur Gaxherri.
(Kosova Sot Online)