Lexoni edhe:
Mjeku mysliman refuzon t’ia shtrëngojë dorën gruas, Gjermania ia merr nënshtetësinë
Ish-ambasadori Delawie komenton letrën e Bidenit për Kosovën
Ish-ambasadori i ShBA-së në Kosovë, Greg Delawie, ka rishpërndarë letrën që kandidati për president Joe Biden, u ka dërguar shqiptaro-amerikanëve që mbështesin Bidenin në zgjedhjet presidenciale, lidhur me vizionin e tij për marrëdhëniet e ShBA-së me Shqipërinë dhe Kosovën.
Delawie ka thënë se kjo letër ka kuptim shumë të mirë pasi Biden do të rikthejë politikën e e baraspeshuar të ShBA-së në Ballkan.
“Kjo letër ka kuptim shumë të mirë. I kënaqur të shoh që Joe Biden do të rikthejë një politikë të balancuar të ShBA-së karshi Kosovës duke u bazuar në interesat e sigurisë nacionale të Amerikës në Ballkan”, ka shkruar ai.
Joe Biden, sipas një faqeje shkrim që mban emrin e kandidatit demokrat për president, gjatë fushatës së ashpër kundër presidentit aktual, Donald Trump, ka menduar enkas për shqiptarët, për Kosovën dhe për Shqipërinë.
Pas dyshimeve të ngritura mbi vërtetësinë e dokumentit, Gazeta Express ka kontaktuar Anila Nicklos, pjesë e organizimit të fushatës së shqiptaro-amerikanëve “Biden për president”.
Nicklos thotë se dokumenti është autentik dhe se grupit organizues të shqiptarëve të Amerikës u është dërguar nga përfaqësuesit e fushatës së Bidenit.
“Dokumenti është autentik. Është dërguar nga përfaqësuesit e “Biden for President” grupit tonë organizues “Albanian Americans for Biden Harris”. Më 8 tetor grupi ynë organizoi një Tubim të madh në bashkëpunim me përfaqësuesit e “Biden for President”. E ftuar e nderit ishte Dua Lipa”, ka thënë Nicklos.
This policy paper makes perfect sense. Glad to see @JoeBiden will return to a balanced Kosovo policy based on US national security interests in the Balkans. https://t.co/2As9X9HRBF
— Amb Greg Delawie (@GregDelawie) October 19, 2020
(Kosova Sot Online)
