Lexoni edhe:
Çka do të ndodhë sot në Kosovë?
Anija sa vjen dhe afrohet, alarmohet Greqia: Ku po shkojnë Turqit?
Qeveria turke ka zhvilluar një “luftë nervash” në Athinë për orët e fundit, me anijen Oruç Reis që i afrohej arkipelagut Kastelorizo, duke vendosur kabllo dhe të shoqëruar nga pesë anije luftarake turke dhe dy ndihmëse, Ataman dhe Cengiz Han.
Afrimi i parë i Oruç Reis në arkipelagun Megisti ndodhi të dielën pasdite, kur anija kërkimore Turke iu afrua ishullit Strongyli më pak se 12 milje detare larg.
Pse është e rëndësishme që flota turke të lëvizë më pak se 12 milje detare nga brigjet e ishujve grekë në Mesdheun Lindor? Sepse, me këtë lëvizje, Erdogan tregoi se po vë në pikëpyetje të drejtën e Greqisë për të zgjatur ujërat e saj territoriale në 12 milje detare nga brigjet e ishujve.
Mesazhi i dytë i Ankarasë ndërkombëtarisht është se shelfi kontinental Grek shtrihet në 6 milje detare nga Kastelorizo ëdhe se Greqia nuk mund të shfrytëzojë pasurinë e saj detare dhe nëndetëse përtej detit territorial të saj me 6 milje detare.
Të hënën pasdite, Oruç Reis arriti kufirin e zonës kërkimore, siç përshkruhet në Navtex, në meridianin e 28-të. Nga ajo pikë fillon ZEE greke e demarkuar, bazuar në marrëveshjen e 6 gushtit me Egjiptin.
Dhe ndërsa Ankaraja nuk e kaloi kufirin që ka vendosur bazuar në koordinatat Navtex të lëshuara nga stacioni i Antalias më 11 tetor, duke e zhvendosur kërkimin në kufirin e meridianit të 28-të, ajo tregoi se po pretendon të gjithë zonën e detit deri në meridiaonin 28, si pjesë e “atdheut blu” të supozuar turk.
(Kosobva Sot Online)
