Turqia zgjat misionin e anijes për eksplorimin e gazit në Mesdheun Lindor

  • E.K /
  • 26 tetor 2020 - 08:36
Turqia zgjat misionin e anijes për eksplorimin e gazit në Mesdheun Lindor

Turqia zgjati sërish misionin e një anijeje për eksplorimin e gazit në një zonë të diskutueshme me Greqinë në Mesdheun Lindor, duke injoruar thirrjet e Perëndimit për të tërhequr këtë anije.

Marina turke theksoi në një mesazh në sistemin detar të alarmit NAVTEX, se Oruç Reis do të qendrojë deri më 4 nëntor në një zonë mes ishujve grekë të Rodhosit dhe Kastellorizos.

Ankaraja kishte theksuar më herët se anija eksploruese e gazit, e shoqëruar nga anije ushtarake, do të qëndronte në zonë deri të martën.

Në një mesazh si përgjigje për NAVTEX, Greqia theksoi se veprimtaria e kësaj anijeje turke ishte e paautorizuar dhe e paligjshme, në një zonë që mbulon pjesën kontinentale greke.

NATO dënoi më herët përshkallëzimin e tensioneve mes Turqisë dhe Greqisë në Mesdheun Lindor dhe u kërkoi vendeve anëtare të Aleancës të respektojnë të drejtën ndërkombëtare për zgjidhjen e mosmarrëveshjeve të tyre.

(Kosova Sot Online)