Lexoni edhe:
Drejtori për Shëndetësi tregon pse dje u regjistruan rreth 200 raste në Prishtinë
Turqit kërkojnë nën rrënoja për të mbijetuarit e tërmetit
Së paku 19 vdekur, qindra të plagosur dhe rreth 20 ndërtesa të shembura është bilanci që ka shkaktuar tërmeti që goditi Turqinë dhe Greqinë ditën e premte. Në Izmir të Turqisë ekipet e shpëtimit po punojnë për të gjetur të mbijetuar nën gërmadha.
Operacionet e kërkimit dhe shpëtimit në 17 ndërtesa të shembura, ose të dëmtuara, janë duke vazhduar në Izmir.
Kryeministri grek, Kyriakos Mitsotakis, telefonoi presidentin turk, Recep Tayyip Erdogan, për të shprehur ngushëllimet e tij.
“Pavarësisht nga dallimet tona, këto janë raste kur njerëzit tanë duhet të qëndrojnë së bashku”, tha ai në Twitter. Të dyja vendet kanë qenë të përfshira, tash e sa muaj, në mosmarrëveshje lidhur me eksplorimin e gazit në Detin Mesdhe. Biseda pasoi atë mes dy ministrave të jashtëm më herët.
(Kosova Sot Online )
