Lexoni edhe:
Meliza Haradinaj viziton Gjermaninë, diskutohet për dialogun e zhvillimet në rajon
Tolaj flet për bisedën me Ramush Haradinajn para se ta linte AAK-në për t’u bërë drejtor i AKP-së
Drejtori menaxhues i Agjencisë Kosovare për Privatizim, Valon Tolaj po raporton në Komisionin Hetimor Parlamentar lidhur me procesin e privatizimit. Ai është pyetur edhe për ndërrimin e detyrave nga anëtar i AAK-së në pozitën e drejtorit në AKP.
Tolaj ka deklaruar se kur është emëruar në pozitën e drejtorit të AKP-së ka dhënë dorëheqje nga të gjitha pozitat në AAK.
“Kam dhanë dorëheqje nga AAK nga pozita në parti dhe nga pozita e zëvendësshefit në fund të prillit të vitit 2018, për arsyeje personale, ndërsa drejtor në AKP jam emëruar në fund të nëntorit 2018”, ka thënë Tolaj.
Ai është përgjigjur edhe edhe për kontaktin që ka pasur me ish-kryeministrin Ramush Haradinaj para emërimit të tij në këtë pozitë.
“Propozimi nuk vjen prej kryeministrit, Qeveria propozon vetëm anëtarët e bordit. Unë e kam zhvilluar kontaktin me bordin dhe e vetmja bisedë me ish-kryeministrin ka qenë kur unë e kam njoftuar kryeministrin për interesin tim për të aplikuar në pozitën e drejtorit menaxhues”, ka thënë Tolaj.
Tolaj më 26 nëntor 2011 ishte emëruar si drejtor menaxhues i Agjencisë Kosovare të Privatizimit me një mandat 4-vjeçar.
Paraprakisht, Tolaj kishte qenë sekretar ekzekutiv i AAK-së.
(Kosova Sot Online )
