Skandal në Austri pas sulmit terrorist, publikohet një dokument për terroristin nga Tetova

Gazeta austriake “Heute” ka publikuar një dokument në të cilin është vendimi i një gjykatësi në Vjenë me të cilin kishte vendosur të lironte Kujtim Fejzullahin para kohe nga burgu.

Një vendim të tillë të autoriteteve austriake gazeta po e cilëson si skandal, pasi që në raportim thuhet se Kujtim Fejzullahi do të duhej të ishte në burg në kohën kur ai kishte shkuar në Sllovaki për të blerë armët me të cilat e kreu sulmin terrorist në Vjenë.

Lexoni edhe:

LDK- në luftë me ndërkombëtarët, në gjueti të kapjes së institucioneve të pa varura për ti shpëtuar të inkriminuarit nga ballafaqimi me ligjin

Fejzullahi ishte ndaluar në Turqi dhe më pas ishte kthyer në Austri ku edhe ishte dënuar me 22 muaj burg pas tentimit të tij për t’iu bashkuar grupit terrorist të ISIS-it, shkruan “Heute”, raporton Express.

Megjithatë gjykatësi austriak kishte vendosur që të lironte para kohe me kusht, pasi që kishin konsideruar që ai ishte deradikalizuar.

Dokumenti i publikuar nga “Heute”

Megjithatë Kujtim Fejzullahi nga Tetova thuhet se është radikalizuar pasi ka frekuentuar rregullisht një Xhami në Vjenë. Edhe avokati që e kishte mbrojtur më herët ka thënë se asnjëherë nuk do ta kishte besuar që ai do të bëhej një vrasës.

(Kosova Sot Online)