Një vajzë 13-vjeçare detyrohet të martohet me një 48-vjeçar, tani i duhet të kujdeset për fëmijët e tij që janë moshatarë me të

Asnaira Pamansag Mugaling u bë gruaja e pestë e Abdulrzak Ampatuan pas një ceremonie një ditore në qytetin Mamasapano muajin e kaluar dhe tani do të kujdeset për fëmijët e tij, të cilët janë në moshën e saj, shkruan “TheSun”.

Nusja fëmijë kishte veshur një fustan të bardhë tradicional ndërsa ishte ulur pranë dhëndrit gjatë ceremonisë së çuditshme më 22 tetor.

Lexoni edhe:

Nagavci: Sjellja e Ministrisë së Shëndetësisë është shumë joserioze, gjendja me pandeminë është e rëndë

Asnaira pretendoi se ajo “nuk ka frikë” nga Abdulrzak sepse ai është “i mirë me të”.

“Unë jam duke mësuar se si të gatuaj sepse nuk jam e mirë në të tani. Unë dua ta bëj burrin tim të lumtur,” tha ajo.

Tre javë pasi u martua, Abdulzrak ndërtoi një shtëpi të vogël që çifti të jetonte së bashku.

Ai punon si fermer ndërsa Asnaira kryen punët e shtëpisë dhe ndihmon në kujdesin për fëmijët e Abdulrzak nga martesat e tij të tjera, të cilët janë në të njëjtën moshë me të.

“Jam i lumtur që e gjeta dhe kalova ditët me të duke u kujdesur për fëmijët e mi,” tha Abdulzrak.

Dyshja thanë se planifikojnë të kenë fëmijë kur Asnaira të mbushë 20 vjeç.

“Unë do të paguaj për shkollën e saj sepse unë dua që ajo të marrë një arsim ndërsa pret kohën e duhur për të pasur fëmijë,” tha Abdulrzak.

Në disa pjesë të Filipineve, Ligji Mysliman mbi Statusin Personal, bazuar në ligjin e Sheriatit, lejon martesën në fillimin e pubertetit për vajzat.

Sipas të dhënave të UNICEF, Filipinet kanë 726,000 nuse fëmijë – numri i 12-të më i lartë në botë.

Rreth 15% e vajzave në vend janë martuar para 18 vjetorit të tyre, ndërsa dy% janë martuar para moshës 15 vjeç, tregojnë të dhënat.

(Kosova Sot Online)