Brazil: Prindërit dhe foshnja shtypen për vdekje nga shembja e shkëmbit në plazh

Dy prindër të rinj dhe foshnja e tyre shtatë-muajshe janë shtypur për vdekje kur një copë nga shkëmbi i lartë u shemb mbi ta në një plazh në Brazil.

32 vjeçari Hugo Pereira u vra së bashku me partneren e tij Stella Souza, 33 vjeçe, kjo e fundit e gjetur nën rrenoja e perqafuar me beben qe po përpiqej të mbronte nga gurët.

Lexoni edhe:

Shteti i kontrolluar nga strukturat e fshehta serbe nuk po arrin ta bënë dhe voton Ligjin për Rimëkëmbjen Ekonomike

Foshnja djalë u nxorr i gjallë por vdiq pak më vonë prej plagëve të marra.

Dëshmitarët thanë se familja ishte ulur në rrëzë të masivit shkëmbor në plazhin Pipa në veri të qytetit Rio Grande do Norte, kur shkëmbinjtë u shembën mbi ta.

Edhe qeni i familjes i quajtur Brisa, vdiq në aksident.

Dëshmitari lokal Igor Caetano tha se u përpoq të ndihmonte viktimat: “Ne nisëm të gërrmonim dhe në fillim gjetëm babain, e më pas nënën e fëmijën. Ajo po e përqafonte beben. Djali i vogël ende merrte frymë kur e gjetëm. Por një doktor që po kalonte nuk arriti ta shpëtonte”.

Në pamjet e marra pak pas incidentit shihen dhjetra njerëz duke gërrmuar për të gjetur viktimat.

João Marinho, kushëri i gruas që humbi jetën, tha se familja kishte vdekur kur punonjësit e ndihmës erdhën.

Peshkatari thotë: “Kam lindur e jam rritur këtu, gjëra si këto ndodhin shume herë sepse deti gërryen gradualisht shkëmbin. Sa herë shikojmë turistët që ulën në rrëzë të humnerës i paralajmërojmë për rrezikun”.

Zyrtarët thanë se edhe disa tabela paralajmëruese për rreziqet e rrëshqitjes së dheut dhe shkëmbit, merren vazhdimisht nga deti gjatë baticave.

(Kosova Sot Online)