Lexoni edhe:
Ndërron jetë në moshën 138 vjeçare burri më i vjetër në botë
Joe Biden konfirmohet fitues në Georgia edhe pas rinumërimit të votave
Presidenti i zgjedhur i Shteteve të Bashkuara, Joe Biden, është konfirmuar fitues në Georgia edhe pas rinumërimit të votave.
Pas rinumërimit, agjencia AP e shpalli fitues Bidenin të enjten në mbrëmje. Zyrtarët e zgjedhjeve e rikonfirmuan fitoren e Bidenit më shumë se dy javë pas ditës së zgjedhjeve, shkruan The Guardian.
Nga procesi i rinumërimit u gjetën rreth 5.800 vota të panumëruara. Si rezultat i kësaj, Trumpi iu afrua Bidenit për rreth 1.400 vota, por këto nuk mjaftojnë që ai t’i shmanget humbjes.
“Ne u jemi mirënjohës zyrtarëve të zgjedhjeve, vullnetarëve dhe punëtorëve që kanë punuar jashtë orarit dhe në rrethana të pashembullta për ta përfunduar këtë rinumërim si forma më e lartë e shërbimit publik”, tha sekretari i Shtetit në Georgia, Brad Raffensperger.
Ndryshe, Trumpi që nga dita e zgjedhjeve ka refuzuar që ta pranojë humbjen dhe është përpjekur t’i vë në pikëpyetje rezultatet në disa shtete duke hedhur akuza për manipulime.
Fituesi i zgjedhjeve, Joe Biden, pritet që zyrtarisht ta nisë punën në Shtëpinë e Bardhë në janar të vitit të ardhshëm, kur ta marrë miratimin përfundimtar në Kongres sipas ceremonisë tradicionale.
(Kosova Sot Online)
