Lexoni edhe:
Të penalizohen të gjitha emërimet e kundërligjshme kriminale, politike e familjare nëpër institucionet e shtetit të Kosovës
Ja se çfarë mendonte për Nexhmi Rudarin Vjosa Osmani
Ushtruesja e detyrës së presidentit, Vjosa Osmani kishte fjalë të mira për kandidatin për kryetar komune të Podujevës, Nexhmi Rudari, anipse Osmani ka kohë që është përjashtuar nga LDK-ja.
Para nëntë muaj, saktësisht më 4 mars, Osmani e quante Rudarin “një rugovist të vërtetë” e të cilin kishte pasur fat që e kishte njohur.
“Kryetari i ri i Podujevës. Unë jam e bindur që secili qytetar i Podujevës që e njeh z.Rudari nga afër e din që i ka tiparet e një rugovisti të vërtetë. Unë dhe kolegët e mi e kemi pasur fatin ta njohim dhe punojmë bashkë me të”, kishte thënë ajo.
Osmani po ashtu e quan Rudarin një “intelektual të urtë, intelektual largpamës, intelektual respektues”.
Në fakt, në programin qeverisës që sot zbatohet, dhe e kemi parë se në të e gjejmë një intelektual të urtë, një intelektual largpamës, një intelektual që i respekton të tjerët, një rugovist të vërtetë që nuk i punon askujt pas shpine por mbi të gjitha një njeri që kurrë nuk i harron qytetarët e vet të Podujevës”, kishte thënë Osmani.
Kujtojmë se Nexhmi Rudari është kandidat për kryetar komune në Podujevë, ndërsa kundërkandidatët e tij janë Shpejtim Bulliqi nga VV-ja dhe Naim Fetahu nga PDK-ja.
(Kosova Sot Online)
