Lexoni edhe:
Driton Selmanaj në seancë, nuk e pengojnë deputetët e VV-së
Të mbijetuarës së masakrës hajnat ia vodhën çantën në oborrin e QKUK-së
I mbijetuari i masakrës në Suharekë, Gramoz Berisha, njofton se nënës së tij dje në oborrin e QKUK-së dy të panjohur ia kanë vjedhur çantën e krahut.
Njoftimin e ka publikuar në profilin e tij në Facebook, teksa u bënë thirrje atyre që mund ta gjejnë çantën e nënës së tij, ta lajmërojnë në numrin kontaktues të cilin e gjeni më poshtë.
Postimi i tij i plotë:
Dje rreth orës 17:45, te pjesa e lojërave që gjenden te hyrja e QKUK-së, dy persona të ri në moshë ia kanë vjedhur çanten nga krahu mamit tim. Tu marr parasysh që çanten dhe dokumentet perveç të hollave kan mujt me e gjujt diku afër, ju kisha lut që kushdo që gjeni diçka me emër VJOLLCA BERISHA ose ndonjë foto të me kontaktoni në FB ose në Numrin : 049/746 127.
Rasti i vjedhjes është raportuar edhe në raportin 24-orësh të Policisë së Kosovës.
Policia njofton se po e heton rastin, ndërkohë nuk raportohet për ndonjë të arrestuar.
“GRABITJE/Prishtinë 02-12.2020-18:00. Viktima femër kosovare ka raportuar se dy persona të panjohur ia kishin grabitë çantën e krahut në të cilën kishte para, dy kartela të bankës dhe letërnjoftimin. Të dyshuarit pas grabitjes ishin larguar nga ai lokacion. Në vendin e ngjarjes kanë dalë njësitë relevante policore dhe janë duke e hetuar rastin”, thuhet në raportin 24 orësh të PK-së.
(Kosova Sot Online)
