Zjarrfikësit shpëtuan një mace nga ballkoni i katit të 9-të

  • E.K /
  • 07 December 2020 - 14:47
Zjarrfikësit shpëtuan një mace nga ballkoni i katit të 9-të

Zjarrfikësit kanë shpëtuar një mace e cila kishte ngecur në ballkonin e një banese në katin e 9-të të një ndërtese në qytetin mesdhetar Erdemli në Turqi.

Banorët lajmëruan shërbimet zjarrfikëse në provincën Mersin se një mace ka ngecur në ballkonin e një banese të zbrazët.

Pas lajmërimit një njësit zjarrfikësish erdhi dhe me ndihmën e një vinçi arriti deri tek ballkoni dhe shpëtoi kafshën.

Zjarrfikësit më pas ushqyen macen dhe e lëshuan në oborrin e lagjes.

Banori Becati Onatoglu për AA tha se dëgjoi një mace që rënkonte për disa ditë dhe thirri zjarrfikësit sapo kuptoi se zëri po vinte nga ballkoni i banesës ku pronarët qëndrojnë vetëm gjatë pushimeve verore.

“Zjarrfikësit treguan guxim dhe ndjeshmëri të madhe dhe bënë gjithçka për të shpëtuar macen që me shumë gjasa arriti në ballkon duke rënë nëpër oxhakun për zgarë”, tha Onatoglu.

(Kosova Sot Online)