Lexoni edhe:
Publikohen rezultatet e testit TIMSS, Kosova ndër vendet e fundit
Policia po interviston personat që i vunë flaken shitësit të cigareve në një lokal në Prishtinë
Policia e Kosovës ka nisur hetimet për rastin e djegies së duarve të një cigarexhiu në një kafene të Prishtinës.
Në një përgjigje, policia thotë se personat e përfshirë në ngjarje janë duke u intervistuar.
Teksa theksohet se rasti po trajtohet bashkë me prokurorinë.
“Sa i përket ngjarjes në fjalë, policia është duke e trajtuar në koordinim të ngushtë me prokurorinë. Aktualisht personat e përfshirë më këtë ngjarje janë duke u intervistuar. Pas përfundimit të fazës fillestare të hetimit, do të njoftoheni me detaje”, thuhet në përgjigjen e Policisë së Kosovës.
Në pamjet e publikuara në rrjetet sociale cigarexhiu shihet duke tentuar ta ndalë flakën, ndërsa në sfond dëgjohen pjesëmarrësit duke qeshur me të. Askush nga të pranishmit nuk e ndihmon atë, për t’ia shuar flakët.
(Kosova Sot Online)
