Lexoni edhe:
Naim Fetahu jep dorëheqje nga pozita e kryetarit të degës së PDK-së në Podujevë
Vjehrri rrahu nusen në mënyrë sistematike në Vushtrri, policia zbulon detaje nga rasti
Mbrëmë policia në Vushtrri, ka pranuar informacion me elemente të veprës penale “dhunë në familje”.
Nga informacioni i siguruar nga viktima femër dhe dëshmitarë të tjerë, dyshimet janë ngritur se i dyshuari (vjehrri) i saj në mënyrë sistematike ka ushtruar dhunë psikike dhe fizike ndaj viktimës.
“Hetuesit policorë në kuadër të Stacionit Policor në Vushtrri, lidhur me rastin kanë ndërmarrë veprime të shpejta hetimore, me ç’rast është arrestuar personi i dyshuar”, njofton policia.
Si rezultat i hetimit të zgjeruar, bazuar në elemente të tjera rrethanore, hetuesit policorë te i dyshuari kanë gjetur dhe sekuestruar një pushkë gjuetie për të cilën nuk posedonte leje.
“Ndërsa, pas procedurave intervistuese, me urdhër të prokurorit të rastit, i dyshuari është liruar në procedurë të rregullt. Ndaj tij janë iniciuar raste për veprat penale ‘dhunë në familje” dhe “armëmbajtje pa leje””, përfundon njoftimi i PK-së.
(Kosova Sot Online)
