Lexoni edhe:
Më në fund Putin uroi Bidenin për zgjedhjen president i SHBA’së
Lavrov i hidhëruar me BE’në: Nuk po e zbaton marrëveshjen për Asociacionin e Komunave me shumicë serbe
Ministri i Punëve të Jashtme i rusisë, Sergej Lavrov, i bëri thirrje të martën Bashkimit Evropian që të marrë përgjegjësi për zbatimin e marrëveshjeve të dala nga dialogu Kosovë-Serbi.
Lavrov, pas takimit me homologun e tij serb, Nikola Selakoviç, ka thënë se ndihet i shqetësuar për faktin se BE nuk arrin të zbatojë marrëveshjet e arritura në dialogun Beograd-Prishtinë, raporton N1.
Selakoviç deklaroi në konferencën e përbashkët për shtyp se ata shkëmbyen mendime mbi “pozicionet e rëndësishme ndërkombëtare mbi të cilat të dy vendet shpesh ndajnë të njëjtat pikëpamje”.
Kohëve të fundit, përafria diplomatike mes Serbisë dhe Rusisë është kritikuar nga diplomatë të ndryshëm.
Madje, Ministria e Mbrojtjes ruse ka paraparë që të dërgojë delegacion mbikëqyrës në forcat ushtarake serbe, të cilat operojnë me armatim rus.
BE nuk ka pasur reagim lidhur me çështjen në fjalë.
(Kosova Sot Online)
