Lexoni edhe:
Kjo është gjendja shëndetësore e policit që u plagos sot në Prishtinë
Avdullah Hoti sot në interpelancë për Ujmanin
Dy seanca do të mbahen sot në Kuvendin e Kosovës.
Njëra është vazhdim i seancës me pikat e mbetura nga të kaluarat, ndërsa tjetra është seancë e re, ku Hoti do të jetë në interpelancë për çështjen “Përfshirja dhe ndarja e Liqenit të Ujmanit me Serbinë në dokumentin e zotimeve të 4 shtatorit 2020”.
Vazhdimi i seancës fillon në ora 09:30, ndërsa seanca e re në ora 11:00.
Rendi i ditës i seancës së re plenare:
Deklarimet jashtë rendit të ditës,
Pyetjet parlamentare,
Miratimi i procesverbaleve nga seancat e mëparshme,
Interpelanca me Kryeministrin e Republikës së Kosovës, z. Avdullah Hoti, sipas kërkesës së deputetit Liburn Aliu, mbështetur edhe nga 6 deputetë të Grupit Parlamentar të Lëvizjes Vetëvendosje për çështjen: “Përfshirja dhe ndarja e Liqenit të Ujmanit me Serbinë në dokumentin e zotimeve të 4 shtatorit 2020”,
Shqyrtimi i dytë i Projektligjit nr. 07/L-029 për ndryshimin dhe plotësimin e Ligjit nr. 04/L-089 për deminim humanitar,
Shqyrtimi i Raportit të Komisionit Qendror të Zgjedhjeve për vitin 2019,
Shqyrtimi i Kërkesës së Fondit të Kursimeve Personale të Kosovës për miratimin e taksave vjetore për vitin 2021,
Shqyrtimi i Raportit Vjetor të Agjencisë Kundër Korrupsionit për vitin 2019,
Shqyrtimi i Raportit Vjetor i Komisionit për Ndihmë Shtetërorë për vitin 2019.
(Kosova Sot Online)
