Lexoni edhe:
Për një ditë Policia e Kosovës shqipton 598 gjoba për mosrepektim të Ligjit COVID-19
Për një ditë 90 aksidente në trafik, një me fatalitet
Në 24 orët e fundit në vend një person ka vdekur si pasojë e një aksidenti në trafik, ndërsa janë shkaktuar 90 aksidente gjatë kësaj kohe.
Dhjetëra aksidente në trafik për çdo ditë po shkaktohen në Kosovë.
Gjatë 24 orëve të fundit në vend janë shkaktuar 90 aksidente në trafik, me ç’rast një aksident ka përfunduar me fatalitet.
Policia e Kosovës ka bërë të ditur se në Çagllavicë, ditën e djeshme rreth orës 12:05 ka ndodhur një aksident trafiku, deri sa një i dyshuar mashkull kosovar, dyshohet se duke ngasur automjetin e tij në mënyrë të pa kontrolluar, ka goditur një këmbësor mashkull kosovar.
Viktima ka pësuar lëndime të rënda trupore dhe për shkak të lëndimeve të rënda ka ndërruar jetë në QKUK.
Ndërsa, nga 90 aksidente të shkaktuara në këtë ditë, 30 kanë qenë me të lënduar, ndërsa 59 me dëme materiale.
Policia e Kosovës ka bërë të ditur se gjatë kësaj ditë ka shqiptuar edhe gjoba ndaj atyre që nuk kanë respektuar rregullat në trafik.
Kësisoj policia ka shqiptuar 1 mijë e 3 gjoba në trafik.
(Kosova Sot Online)
