Lexoni edhe:
Profesori i njohur zbulon listën me detyrat e rënda të “shtëpisë” që e presin Qeverinë e re pas zgjedhjeve të jashtëzakonshme
Foto me Gold AG, kreu i Preshevës reagon ndaj Valon Sylës pasi “e futi me një thes” me Bahtirin
Kryetari i Preshevës, Shqiprim Arifi, me një fotografi me këngëtarin Gold AG e ka sulmuar gazetarin Valon Syla, duke e quajtur “pseudo-gazetar” e “të paguar”.
Arifi ka thënë se Syla ka prodhuar shpifje ndaj tij, ndërsa ka shkruar se është krenar që është “prodhim” i diasporës.
“Ndihem krenar kur anatemohem nga pseudo-gazetar të paguar për qëllime destruktive duke diferencuar dhe përçarë. Unë nuk e njoh atë, kurrë nuk e kam takuar, e në fakt ai ka prodhuar shpifje pas shpifjeve me pagesë kundër meje në pamfletën e tij. Babai, nëna, gjyshi, gjyshja ime dhe gjithë paraardhësit e mi dem baba dem janë Shqiptarë, ndërsa unë jam krenar që jam “prodhim” i Diasporës Shqiptare. Prindërit e mi nuk harruan kurrë dashurinë për vendlindjen dhe më pagëzuan pastër me emrin Shqipërim. Diaspora është zemra e Kosovës, Shqipërisë, Luginës së Preshevës. Pa zemër nuk ka jetë; kaq e thjeshtë është kjo! Kot e keni përçarjen në mes “atyre” dhe “ne”, sepse ne jemi NJË”, ka shkruar Arifi.
E krejt në fund, ai e ka shkruar edhe një fjali kundër dhunës.
“PS. Thuaj Jo dhunës!”.
Gazetari Valon Syla edhe më herët kishte pasur përplasje me kryetarin e Preshevës, që bashkë me kryetarin e Mitrovicës, Agim Bahtiri i ka futur në një ‘thes’, duke i kritikuar ashpër.
Pasi i kritikoi disa mërgimtarë, gazetari Valon Syla u rrah të martën nga një person. Slmuesi është ndaluar për 48 orë, ndërsa Prokuroria Themelore e Prishtinës ka paraqitur kërkesë në gjykatë për caktimin e masës së paraburgimit ndaj tij.
(Kosova Sot Online)
