Albin Kurti përfshihet në debatin për diasporën, ka disa fjalë

  • E.K /
  • 25 dhjetor 2020 - 10:14
 Albin Kurti përfshihet në debatin për diasporën, ka disa fjalë

Ditëve të fundit në Kosovë është ndezur një debat i ri për diasporën.

Për këtë çështje, ditë më parë midis kryeqytetit është sulmuar fizikisht gazetari Valon Syla, pikërisht pse e ka kritikuar diasporën përmes një shkrimi në Facebook.

Pos Sylës, reagime kanë pasur edhe nga sfera politike në vend.

Ish-kryeministri Albin Kurti e shefi i LVV-së ka zgjedhur që ditën e sotme ta nis duke folur pikërisht për mërgatën.

Ai në një postim në Instagram ka shkruar për një shkrimtar të ri nga Kosova që jeton në Zvicër.

Kurti thotë se kontributi i mërgatës është jetik për shtetin e popullin e Kosovës.

“Çmimi “Rexhai Surroi” për letërsi sivjet iu nda shkrimtarit të ri nga Kosova që jeton në Zvicër, Shkumbin I. A. Gashi, për romanin e tij “Nënë, më fol për ëndërrimtarët”, botuar nga Shtëpia Botuese “Pema”. Do ta lexoj me prioritet këtë libër të Shkumbinit që është edhe kandidat për PhD në fushën e psikologjisë. Kontributi i mërgatës sonë është shumë i gjerë përveçse jetik për shtetin e popullin tone”, ka thënë i pari i Vetëvendosjes.

(Kosova Sot Online)