Lexoni edhe:
Me logjikën e “nuk ka COVID”, rinia kosovare nuk i ndal festat
Mjellma bllokon hekurudhën, vajtonte për mjellmën e mbytur
Policia dhe zjarrfikësit u detyruan të intervenojnë për të larguar një mjellmë që thanë se po vajtonte në një linjë hekurudhe të trenave të shpejtë.
Mjellma u fotografua në hekurudhë afër Fuldatalit, duke bërë që së paku 20 linja treni të anulohen, pasi një mjellmë tjetër u mbyt kur fluturoi mbi binarë, shkruan The Guardian.
Pas aksidentit, mjellma e dytë u vendos në hekurudhë, duke ua pamundësuar kalimin trenave nga Kasseli në Gottingen. Sipas raportimeve në mediet gjermane, zjarrfikësit sollën pajisje të veçanta për ta larguar mjellmën e ngordhur dhe më pas mjellmën e gjallë nga binarët, duke e dërguar atë në lumin Fulda.
Sipas policisë, 23 linja treni u vonuan për 50 minuta për shkak të këtij incidenti.
Më parë është vërejtur se mjellmat qartazi vajtojnë për mjellmat tjera të ngordhura, duke qëndruar afër vendit ku ndodhet shpendi i pajetë.
(Kosova Sot Online)
