29 vjeçari ndalohet nga policia, iu sekuestrohet një armë

Policia e Kosovës e ka ndaluar një person në Prishtinë dhe të njëjtit iu është sekuestruar një revole e disa fishek.

Kështu ka bërë të ditur Agron Borovci, zëdhënës i Policisë në Rajonin e Prishtinës.

Lexoni edhe:

Gjykatë Speciale Ndërkombëtare edhe për krimet serbe në Kosovë, Kosova të kërkon urgjentisht qasje reciproke ndaj krimeve të luftës

“Drejtoria Rajonale e Policisë – Prishtinë, po ndërmarr të gjitha masat e nevojshme policore për të siguruar rendin dhe qetësinë publike në rajonin e Prishtinës. Në kuadër të veprimeve operative që po kryen policia me qëllim parandalimin dhe zbulimin e veprave kriminale, dje rreth orës 20:30, në dalje të Prishtinës, ka ndaluar veturën Golf me targë Kosove”, thuhet në njoftim.

Sipas njoftimit, policia kishte ushtruar një kontroll të detajuar ndaj personave dhe veturës me ç’ rast ka arritur që të gjej dhe të sekuestroj:

•             Një revole të tipit COLT,

•             Shtatë copë fishek, kalibër 45 mm, si dhe,

•             Një këllëf revoleje.

I dyshuari sipas njoftimit është një 29 vjeçar me inicialet K.D. Ai është shoqëruar në stacionin policor.

(Kosova Sot Online)