Bllokohen rrugët e dëmtohen objektet, kjo është situata në Malishevë pas reshjeve

Në Komunën e Malishevës është mbajtur një mbledhje urgjente ku është diksutuar për reshjet atmosferike.

Kjo është bërë e ditur përmes një komunikate për media të lëshuar nga kjo komunë.

“Nënkryetari i Komunës së Malishevës së Malishevës, Hajdin Berisha, e ka mbajtur një takim urgjent me Këshillin e Drejtorëve, ku është raportuar për gjendjen nga reshjet atmosferike në Komunën e Malishevës. Nënkryetari Berisha, ka kërkuar nga të gjitha drejtoritë, angazhim të shtuar dhe shfrytëzimin e të gjitha kapaciteteve që ka komuna, për menaxhimin sa më të mirë të situates”, thuhet në komunikatë.

Lexoni edhe:

Gjykatë Speciale Ndërkombëtare edhe për krimet serbe në Kosovë, Kosova të kërkon urgjentisht qasje reciproke ndaj krimeve të luftës

“Të gjithë drejtorët të jenë në shërbim të menaxhimit të situatës. Të shfrytëzohen të gjitha mundësitë që ka komuna, përfshi edhe angazhimin e kompanive private, me mjete të rënda, për intervenime të mundshme, varësisht nga situata”, ka thënë urdhëruar nënkryetari Berisha.

“Ai gjithashtu ka bërë të ditur se janë në kontakt edhe FSK-në dhe AME, dhe në rast nevoje do të kërkohet ndihma e tyre. Drejtori i Drejtorisë për Mbrojtje dhe Shpëtim, Hafir Rexha, ka bërë të ditur se disa rrugë janë të bllokuara, ndërsa deri në mesditë është intervenuar në gjashtë raste, përfshi edhe objekte banimi, ndërsa sipas tij, edhe pse nivel ii ujit është në rritje të vazhdueshme, sidomos në lumin Mirusha, nuk ka rrezik”, thuhet në njoftim.

(Kosova Sot Online)