Lexoni edhe:
Duhet të miratohet e të veprojë Ligji i VETTING-ut në drejtësinë kosovare!
Tre të vdekur nga orteku në një qendër skijimi
Tre persona kanë vdekur nga një ortek që ra në një qendër skijimi afër qytetit verior rus, Norilsk, në orët e vona të së premtes, bëri të ditur Ministria e Shërbimeve Emergjente.
Përmes një deklarate, kjo ministri njoftoin se në operacionin e kërkimit u përfshinë 242 persona dhe 29 automjete. Si rezultat i kërkimeve, u gjetën trupat e pajetë të dy të rriturve dhe një fëmije. Një djalë 14 vjeç është dërguar në spital për shkak të lëndimeve.
Në pamjet e publikuara nga mediet e atjeshme shihen punëtorët e shërbimit emergjent dhe vullnetarët duke u përballur me erë të fuqishme dhe mot të ftohtë natën përderisa po kërkonin në ndërtesat e mbuluara nga bora dhe akulli.
Komiteti për Hetime tha se ka dërguar zyrtarë në vendin e ngjarjes, që ndodhet rreth 300 kilometra brenda Rrethit të Arktikut, shkruan Reuters.
Ky organ i ka filluar hetimet për të vlerësuar nëse pronarët e ndërtesave kishin marrë apo jo masat e duhura të sigurisë. Ende nuk dihet kush ishin pronarët e katër ndërtesave të mbuluara nga bora.
Zyrtarët menaxhues në kompleksin Gora Otdelnaya thanë se orteku mbuloi një sipërfaqe prej 300 metrave katrorë.
Pjesa veriore e Rusisë ka dimra të ashpër e të gjatë, me reshje të mëdha të borës e temperaturë shumë të ulët, duke e bërë këtë pjesë shumë të papërshtatshme për banim.
(Kosova Sot Online)
