Lexoni edhe:
Mini Jugosllavia e Aleksandër Vuçiqit, Mini-Shengeni, obligim i mbrapsht ndërkombëtar që na e solli LDK-ja dhe Avdullah Hoti
Ministri i Ekonomisë dhe Ambientit, Blerim Kuçi, e ka dorëzuar te kryeministri dorëheqjen e tij nga pozita në Qeveri për një arsye të pazakontë.
Media ka provuar të kontaktojë me Blerim Kuçin, por ai ka qenë i paqasshëm. Ndërsa ofrimin e dorëheqjes nga ana e Kuçit, e ka konfirmuar zëdhënësja e Qeverisë, Antigona Baxhaku. Ajo tha se kryeministri në detyrë, Avdullah Hoti ka marrë kërkesë nga Blerim Kuçi që ta lirojë atë nga detyra e ministrit.
“Ka arritur një kërkesë për lirimin nga detyra nga ana e ministrit”, tha Baxhaku.
Përmes një postimi në Facebook, Kuçi e ka publikuar kërkesën e tij për dorëheqje, bashkë me arsyet, që lidhen vetëm me angazhimin i tij në fushatën zgjedhore.
“Arsyeja e kërkesës për lirim nga detyra është se nuk dëshiroj që posti i ministrit të Ekonomisë dhe Ambientit të jetë temë e ndonjë debati se pse një ministër po angazhohet në fushatë në masën që po angazhohem tash. Arsyeja tjetër pse po kërkoj lirim nga detyra është se Ministria e Ekonomisë dhe Ambientit është e gjerë në domenin e saj, andaj angazhimi në fushatë dhe në ministri nuk mund të bëhet në ritmin e njëjtë”, thuhet në kërkesën që Kuçi e ka dorëzuar te kryeministri në detyrë.
Zëdhënësja e Qeverisë tha se gjatë ditës, kryeministri në detyrë, Avdullah Hoti do të marrë vendim nëse do t’ia pranojë dorëheqjen ministrit Blerim Kuçi, apo do ta refuzojë atë.
https://www.facebook.com/blerimkuciaak/posts/3811958118864141
(Kosova Sot Online)