Lexoni edhe:
Qeveritarët e deridjeshëm mashtrojnë me premtimet për zhvillim ekonomik, nuk flasin në fushatë kundër korrupsionit
Limaj në Llap merr mbështetje për kauzën e tij
Kryetari i Nismës Socialdemokrate, Fatmir Limaj ka zhvilluar disa takime me përkrahës të tij në Podujevë ku ka marrë mbështetje për zgjedhjet e 14 shkurtit.
Limaj është shprehur i bindur se me mbështetjen e njerëzve të mirë e me plotë vullnet, që sot ka takuar pranë zyrave të Nismës dhe në kafiteritë e qytetit të Podujevës, jetësimi i kauzës së tij do të jetë më i lehtë dhe zëri mbrojtës i vlerave më sublime do të jehojë edhe më fuqishëm në Parlament.
Postimi i plotë i Limajt:
Vizitën e sotme në qytetin e Podujevës e vazhdova duke bashkëbiseduar me qytetarë, veprimtarë e mbështetësit tanë socialdemokrat rreth rëndësisë së projektit tonë për mbrojtjen e promovimin e vlerave kombëtare.
Procesi i zgjedhjeve të 14 shkurtit është jetik për të ardhmen e Kosovës, dhe për këtë bashkëluftëtarë e të rinj në Podujevë tashmë po angazhohen fuqishëm e me kokën lartë në mbështetje të kauzës sonë të drejtë për rikthimin e së vërtetës dhe ruajtjen e vlerës së Ushtrisë Çlirimtare të Kosovës.
Me mbështetjen e njerëzve të mirë e me plotë vullnet, që sot takova pranë zyrave tona dhe në kafiteritë e qytetit të Podujevës, jetësimi i kauzës sonë do të jetë më i lehtë dhe zëri mbrojtës i vlerave tona më sublime do të jehojë edhe më fuqishëm në Parlament.
(Kosova Sot Online)
