Lexoni edhe:
Valdete Daka satelit i programuar nga Hashim Thaçi e Isa Mustafa, të ndëshkohet me shkarkim nga presidentja në detyrë Vjosa Osmani
Arrestohet një neonaziste në Gjermani, kishte planifikuar sulme terroriste
Prokurorët gjermanë njoftuan të mërkurën se është arrestuar një grua 55 vjeçe, përkrahëse e së djathtës ekstreme, e cila akuzohet për planifikimin e sulmeve terroriste në Gjermani.
E identifikuar si Susanne G., kjo grua u kishte dërguar disa herë letra kërcënuese xhamive, kishte planifikuar zjarrvënie të qëllimshme dhe kishte kërkuar të dhëna dhe materiale për përgatitjen e bombave, thuhet në deklaratën e Zyrës së Prokurorit Federal në Karsruhe.
E dyshuara neonaziste gjithashtu u kishte dërguar letra kërcënuese anonime politikanëve lokalë, organizatave myslimane turke dhe OJQ-ve që i përkrahin refugjatët në qytetin e Nurembergut, shkruan Anadolu.
Së paku pesë zarfe me letra kërcënuese përmbanin edhe plumba dhe në përmbajtje kishte kërcënim me vdekje.
Gazeta gjermane “Sddeutsche Zeitung” raportoi se gruaja e dyshuar ishte e njohur për policinë si ekstremiste e djathtë para arrestimit dhe përkrahëse e partisë së ekstremit të djathtë, “Der Dritte Weg”.
Gjermania viteve të fundit është përballur me rritje të racizmit dhe ksenofobisë, të nxitur nga propaganda e të djathtës ekstreme, grupet anit-islamike dhe anti-semite.
(Kosova Sot Online)
