Lexoni edhe:
'Hallakatet' Haliti e krahason Albin Kurtin me Stalinin
18-vjeçari që u keqtrajtua 'barbarisht' nga Policia e Kosovës: Më ka lënë me pasoja, jam largu prej fakultetit
Është bërë njeriu më i përfolur ditëve të fundit në vend.
Shkas i kësaj është publikimi i një video që tregon dhunën të cilën një pjesëtar i Policisë së Kosovës ushtron ndaj tij.
Ndërsa edhe pse kanë kaluar tre vite nga ajo ditë, Leotrim Rama ende po përballet me pasojat e atij momenti.
“Pasojat janë se unë jam largu prej fakultetit se skam mujt me u koncentru”, deklaroi ai.
Rama thotë që nuk u ndje mirë kur pjestari policor u lirua nga prokurori i rastit në procedurë të rregullt.
Ky madje ka edhe një thirrje për gjithë ata që e telefonojnë për t’i ushtruar presion.
Ndërkohë, për raste të tilla të keqpërdorimit të detyrës nga ana e pjestarëve policor, kryeministri në dëtyrë, Avdullah Hoti ka mbajtur një takim me u.d së drejtorit Samedin Mehmetin dhe kryeshefin e IPK-së, Kushtrim Hodaj.
Nga këta të dy, Hoti ka kërkuar që të marrin masa sa më parë që të mos dëmtohet imazhi i Policisë së Kosovës.
Gjatë vitit 2020, mbi 1600 ankesa nga qytetarët janë adresuar në IPK. Si rezultat 32 zyrtarë policor janë arrestuar.
(Kosova Sot Online)
