Lexoni edhe:
KQZ-ja dhe Valdete Daka, nën telekomandën e dirigjuar nga Hashim Thaçi, Kadri Veseli dhe Isa Mustafa
Ministri në detyrë i Drejtësisë, Selim Selimi ka njoftuar se shumë shpejt do të procedohet në Qeveri draft-rregullorja për trajtimin e rasteve të Sinjalizimit.
Selimi ka thënë se kjo rregullore është një mjet shtesë për të luftuar korrupsionin e lartë në institucione.
” Ligji për Mbrojtjen e Sinjalizuesve ka përcaktuar një standard të ri të mbrojtjes së sinjalizuesve dhe është një instrument i rëndësishëm për mbrojtjen e interesit publik, duke mundësuar raportimin e çdo parregullësie apo shkeljeje për të cilën vihen zyrtarët në dijeni gjatë ushtrimit të detyrës”, ka shkruar ai në rrjetin e tij social Facebook.
Shkrimi i tij i plotë:
I lumtur që Draft Rregullorja për pranimin dhe trajtimin e rasteve të Sinjalizimit shumë shpejt do të procedohet për miratim në Qeveri. Kjo është edhe një prej mjeteve të shumta për të luftuar korrupsionin e nivelit të lartë nëpër institucione.
Ligji për Mbrojtjen e Sinjalizuesve ka përcaktuar një standard të ri të mbrojtjes së sinjalizuesve dhe është një instrument i rëndësishëm për mbrojtjen e interesit publik, duke mundësuar raportimin e çdo parregullësie apo shkeljeje për të cilën vihen zyrtarët në dijeni gjatë ushtrimit të detyrës.
Por, Ligji si i vetëm nuk mund të përcaktojë të gjitha çështjet procedurale dhe teknike. Risitë e këtij ligji do të mund të vihen në zbatim me miratimin e Rregullores për pranimin dhe trajtimin e rasteve të Sinjalizimit, miratimi i së cilës avancon sundimin e ligjit, përafron legjislacionin vendor me atë të BE-së dhe kompleton infrastrukturën ligjore në trajtimin e rasteve të sinjalizimit.
Mirënjohës grupit punues për punën e palodhshme në hartimin e kësaj rregulloreje.
(Kosova Sot Online)