Lexoni edhe:
Një selam për liderët e subjekteve politike, që në fushatën zgjedhore e kishin plot gojën me padinë ndaj Serbisë për dëmet dhe krimet e luftës!
OMK ndan dekorata për familjarët e 18 mjekëve që kanë vdekur si pasojë e COVID-19
Oda e Mjekëve të Kosovës ka shpërndarë dekorata për familjarët e 18 mjekëve që humbën jetën si pasojë e virusit COVID-19.
Nga OMK u shpërnda Dekorata Nderi i Mjekut “Ali Sokoli” si dhe Dekorata për Arritje Shkencore “Musa Haxhiu”.
Kryetari i Odës së Mjekëve, Pleurat Sejdiu tha se solidaritetin e tyre do ta vazhdojnë sa herë që familjarët e këtyre mjekëve do të kenë nevojë për ta.
“Oda e mjekëve ka marrë zotimin për nderin që duhet t’u bëjmë anëtarëve tonë. Presim aprovim nga komuna e Prishtinës për ndërtimin e një obelisku për këta mjekë. Për çdo ushtar që del në mbrojtje të vendit duhet që pasardhësve të tyre t’u jepet ndihmë financiare. Ne do të realizojmë atë që kemi premtuar”, tha tutje ai.
“E ndjejmë humbjen dhe vakuumin që kanë lënë mjekët tanë”, shtoi ai.
Familja e Feti Hetemit, Fadil Zukës e Ali Tolajt ishin disa nga ata që morën dekoratë për familjarët e tyre mjekë që kanë humbur jetën gjatë pandemisë.
(Kosova Sot Online)
