Lexoni edhe:
Policia aksion edhe në Gjilan
Një mjek që ua dha dy personave të moshuar katërfishin e dozës së rekomanduar të vaksinës kundër Covid-19 nuk është trajnuar si ta japë vaksinën e re dhe nuk ka qenë i përfshirë në programin e vaksinimit.
Një gruaje 94-vjeçare dhe një burri 88-vjeçar iu dha katërfishi i dozës së rekomanduar të martën në Australi, në ditën e dytë të programit të vaksinimit, shkruan Daily Mail.
Policia aksion edhe në GjilanLexoni edhe:
Personat që morën dozë të tepruar janë banorë të një qendre kujdesi në Brisbane. Për fat të mirë, ata nuk përjetuan efekte negative, por gjendja e tyre është duke u vëzhguar në spital.
Ministri i Shëndetësisë, Greg Hunt, të mërkurën në mëngjes tha se mjeku në fjalë është regjistruar dhe e ka kryer trajnimin e kërkuar që është mbajtur nga Bordi Australian i Infermierisë.
Megjithatë, ai më vonë tha në kuvend se kompania e kontraktuar nga qeveria federale për vaksinim në qendrat e kujdesit për personat e moshuar e kanë informuar se mjeku nuk është trajnuar.
“Kam kërkuar nga departamenti që të marrë masa kundër kompanisë dhe mjekut për atë që është shkelje e qartë në të dyja frontet”, shtoi ministri.
Ministri u kërkoi falje familjeve të pacientëve të moshuar për këtë lëshim dhe tha se rasti është duke u hetuar.
(Kosova Sot Online)