Grushti i shtetit në Myanmar, Policia qëllon protestuesit, të paktën 10 viktima

Policia qëlloi kundër manifestuesëve në Myanmar duke vrarë të paktën 10 prej tyre, në ditën më vdekjeprurëse që kur nisën protestat kundër grushtit të shtetit.

Viktima u raportuan në Yangon, Dawei dhe Mandalay, ku efektivët përdorën plumba të vërtetë dhe gaz lotsjellës.

Të shtunën, forcat e sigurisë nisën shtypjen e dhunshme të protestave që kanë përfshirë vendin prej 1 shkurtit, kur ushtria rrëzoi dhe burgosi krerët e qeverisë, përfshirë Ang San Su Ki.

Fushata e spastrimit vijoi edhe të dielën, ndërsa liderët ushtarak po përpiqen me cdo kusht të shuajnë rebelimin civil që nuk tregon shenja zbutjeje.

(Kosova Sot Online)