Lexoni edhe:
A do të ketë ndryshim të masave anti-Covid, flasin nga Asociacioni i Komunave
Numri i rasteve të reja me koronavirus në Kosovë është rritur ditëve të fundit. Për rritjen e rasteve thuhet të ketë ndikuar fushata zgjedhore e varianti i ri i COVID-19.
Numri i rasteve të reja të infektuara me COVID-19 po vazhdon të rritet në Kosovë.
Për këtë rritje të rasteve të reja po vlerësohet të ketë ndikuar fushata zgjedhore e varianti i ri anglez i COVID-19.
Infektologu Hamdi Ramadani ka thënë se statistikat e fundit të cilat paraqesin rritje të rasteve të infektuara me COVID-19, tregojnë se situata në vend ende është e rëndë.
Ai ka thënë se për këtë rritje të rasteve ka ndikuar fushata zgjedhore e varianti i ri i koronavirusit.
“Në ditët e fundit kemi pasur rritje të infektimeve. Krejt këto shifra tregojnë një trend të infektimit të rëndë. Situatën e kemi të brishtë dhe e kemi një tendencë të rritjes së numrit të infektimeve. Kjo është për shkak se javëve të kaluara ka pasur grumbullime e tubime të partive politike ku personat e pranishëm nuk kanë mbajtur maska. Një faktor tjetër është se në vendin tonë është identifikuar edhe varianti i ri i COVID-19. Edhe kjo shfaqeje e një variant të ri të një koronavirusi e mundëson një rritje të numrit të rasteve”, ka theksuar ai.
Ramadani po ashtu ka thënë se as masat mbrojtëse ndaj COVID-19 nuk janë duke u respektuar sa duhet.
Ndërsa, ai është shprehur që në këtë situatë, këto masa duhet të jenë edhe më rigoroze.
“Masat nuk po zbatohen në nivelin e duhur dhe unë mendoj që këto masa janë të gjysmuara ose fare të implementuara. Qytetarët nuk po janë mjaftë të vetëdijshëm që ende nuk e kemi kaluar pandeminë dhe nuk po janë shumë të kujdesshëm për shëndetin e tyre e të familjarëve të tyre. Unë mendoj që këto masa duhet të shtrëngohen në mënyrë rigoroze”, ka shtuar ai.
A do të ketë ndryshim të masave anti-Covid, flasin nga Asociacioni i KomunaveLexoni edhe:
Derisa po përballemi me shifra të larta të infektimeve, Ramadani ka thënë që është e nevojshme që Kosova të furnizohet sa më shpejt me vaksina, e të filloj vaksinimi i qytetarëve.
Për këtë, ai ka thënë se duhet të punojnë organet shëndetësore e Qeveria, pasi numri i infektimeve është shumë i lartë për një vend si Kosova.
“Që sa kohë po flitet për vaksinën anti-COVID, por nuk ka gjasë që ta fillojë vaksinimi këtë muaj, gjë që do të ishte shumë i rëndësishëm që uljen e numrit të të infektuarve. Organet kompetente shëndetësore e Qeveria duhet të punojnë në këtë drejtim që të zvogëlohet numri i infeksionit dhe vdekshmërisë, që për vendin tonë të vogël është numër mjaft i madh”, ka thënë ai tutje.
Ramadani ka thënë se nëse nuk intervenohet me vaksinim të popullsisë e masa më rigoroze, Kosova mund të përballet edhe me një valë të tretë të COVID-19.
(Kosova Sot Online)