Lexoni edhe:
Fillon procesi i deklarimit të pasurisë së zyrtarëve të lartë publik
Gashi beson se Kurti i ka vetëm llafe deklaratat për shqyrtimin e vendosjes së ambasadës në Jerusalem
Avokati dhe mbështetësi i Lëvizjes Vetëvendosje, Tomë Gashi, nuk është bindur nga njoftimi i LVV-së se Albin Kurti i ka thënë ambasadorit të Turqisë në Kosovë, Çaëri Sakar se Qeveria e udhëhequr nga ai do ta shqyrtojë vendin ku do të vendoset Ambasada e Kosovës në Izrael.
“Llafe jane keto, Albini eshte Albin dhe mbetet Albin, ambasada jone ne Jerusalem dhe pikë”, ka qenë reagimi i Gashit pas këtij lajmi.
Kurti ka deklaruar se Ambasada e Kosovës në Jerusalem dhe vendosja e marrëdhënieve diplomatike me shtetin e Izraelit, janë çështje të rëndësishme për vendin. Në një takim me ambasadorin e Turqisë, Çagri Sakar, Kurti gjithashtu ka thënë se vendndodhja e ambasadës është çështje që do të shqyrtohet.
“Rreth vendit se ku do të vendoset ambasada është një çështje që do të shqyrtohet duke parë edhe dokumentacionin e qeverisë në ikje”, thuhet në njoftimin e Lëvizjes Vetëvendosje në Facebook.
(Kosova Sot Online)
