Lexoni edhe:
Nëse diaspora ka votuar kështu, kaq deputetë merr Vetëvendosje
Dallaveret me subvencione, Policia konfirmon arrestimin e zyrtarit të Komunës së Pejës
Media sot gjatë ditës ka raportuar për arrestimin e një zyrtari të Drejtorisë së Bujqësisë në Pejë me inicialet A.B. Burimet të brendshme i kishin treguar Gazetës se zyrtari i Komunës së Pejës dyshohet për përfitim të mijëra eurove në mënyrë të kundërligjshme.
Derisa arrestimin e kanë konfirmuar edhe nga Zyra për Informim e Policisë së Kosovës. I arrestuari dyshohet për dallavere me subvencionet dhe me vendim të Prokurorit është dërguar në paraburgim për 48 orë.
“Prishtinë 02 mars 2021, Me datë 01-03-2021 në rajonin e Pejës, Policia e Kosovës ka arrestuar një person të dyshuar, lidhur me dyshimet për keqpërdorime të subvencioneve. Me vendim të prokurorit të P.TH. Prishtinë, personi i dyshuar është ndaluar për 48 orë”, kanë thënë nga Policia e Kosovës.
Lidhur me rastin ka kontaktuar edhe me Kryetarin e Pejës, Gazmend Muhaxherin, i cili tha se nuk ka njohuri për arrestimin e zyrtarit të komunës. Mirëpo Muhaxheri konfirmoi se A.B., nga dita e djeshme nuk ka dalë në punë.
Aksioni policor “Subvencioni 2021”, ka nisur javën e kaluar në Ministrinë e Bujqësisë në Prishtinë, për të vazhduar në disa lokacione tjera të vendit.
Nga ky aksion janë konfiskuar mbi 400 mijë euro, vetura, telefona, laptopë e kompjuterë.
Po ashtu janë prangosur 21 persona, shumica nga ta zyrtarë
(Kosova Sot Online)
