Lexoni edhe:
Lajçk thotë se i dorëzoi Kurtit dokumente që të përgatitet për dialogun me Serbinë
Ja si po i kalon ditët Ivanka Trump pas largimit nga Shtëpia e Bardhë
Pas transferimit nga Uashingtoni në Florida, Ivanka Trump dhe Jared Kushner po i shfrytëzojnë më së miri ditët e ngrohta të shtetit jugor amerikan.
Së fundmi, vajza e ish-presidentit, Donald Trump, u fotografua duke shpalosur talentin në golf, në fushën në pronësi të babait të saj në Majami, “Trump National Doral”.
Edhe Trump mbërriti aty të mërkurën pak minuta pas së bijës, por nuk luajti bashkë me ta.
Kompleksi sportiv, i blerë nga Trump për 150 milionë dollarë në shkurt 2021, është 90 minuta larg rezidencës së ish-presidentit në Mar-a-Lago, ku tashmë po jeton bashkë me Melanian dhe djalin e tyre Barron.
Ndërsa Ivanka dhe bashkëshorti i saj Jared, i cili gjithashtu ishte këshilltar i Trump gjatë katër viteve në detyrë, jetojnë në një prej zonave më luksoze të Majamit, buzë oqeanit. Përgjatë javëve të fundit ata kanë shijuar motin e ngrohtë të Floridës.
Prania e tyre në klubin sportiv mund të jetë e lidhur edhe me përpjekjet për ta rigjallëruar pas goditjes që ka marrë për shkak të pandemisë.
“Bloomberg” raporton se xhiro vjetore e resortit në vitin 2020 është pakësuar me 30 milionë dollarë krahasuar me vitin 2019.
(Kosova Sot Online)
