Humb jetën nga Covid-19 një mjek

Mjeku i njohur endokrinolog Gerond Husi diten e sotme ka humbur betejën me Covid-19. Prej ditësh i shtruar në spitalin “Medical Park” në Stamboll, Husi është ndarë sot nga jeta.

Lajmin e trishtë për ndarjen nga jeta të Gerond Husit e ka dhene mjeku dhe kogelu i tij Tritan Kalo, duke thëne se armatës së mantelbardhëve do t’ju mungojë anëtari më i shquar i saj.

“Gojëmbëli, zemërmadhi, mëndjendrituri, buzëgazi, fjalëpaku dhe punëshumi si ai….Vinte kurdoherë te ne në Infektiv për konsultat Endokrinologjike, e sillte kurdoherë me vete një fllad induktues të optimizmit jetësor….I kthjellët, i saktë e profesionalisht i përkryer në çdo gjë që bënte…Kam mbi 30 vite njohje personale me Dr. Gerin, ndaj edhe tash që po hedh këto fjalë në FB tim ende nuk më besohet se është ky takimi im i fundit me të…”, shkruan ndër të tjera mjeku Kalo.

Lexoni edhe:

Brezi i ri politik ta ndëshkon garën e mashtruesit Isa Mustafa, në zgjedhje me duar në xhepa e solli LDK-në deri në greminën e 14 shkurtit!

Shënimi i plotë:

Kohë kovidiane….13.03.2021….E pabesueshme por dhëmbshurisht e vërtetë….Sars-Cov2/Covid-19 edhe kësaj here goditi tinëzisht….Armatës së Mantelbardhëve nga sot e tutje do ti mungojë një anëtar i shquar i saj, Dr. GERON HUSI….

Gojëmbëli, zemërmadhi, mëndjendrituri, buzëgazi, fjalëpaku dhe punëshumi si ai….Vinte kurdoherë te ne në Infektiv për konsultat Endokrinologjike, e sillte kurdoherë me vete një fllad induktues të optimizmit jetësor….I kthjellët, i saktë e profesionalisht i përkryer në çdo gjë që bënte…Kam mbi 30 vite njohje personale me Dr. Gerin, ndaj edhe tash që po hedh këto fjalë në FB tim ende nuk më besohet se është ky takimi im i fundit me të…

Buzëqeshja, optimizmi dhe humori yt do mbeten përjetësisht të skalitura në mëndjen time….Dr. Matildës dhe Ergit ju shpreh ngushëlimet më vëllazërore…..Të bëhen të fortë dhe të jenë kurdoherë krenar për Mjekun, Bashkëshortin, Babain dhe Kolegun tonë shëmbullor, Dr. Geron Husin… U prehsh në Paqen e përjetëshme Mik!

(Kosova Sot Online)