Lexoni edhe:
Brezi i ri politik ta ndëshkon garën e mashtruesit Isa Mustafa, në zgjedhje me duar në xhepa e solli LDK-në deri në greminën e 14 shkurtit!
Vjen reagimi i parë nga Albana Bytyqi
Albana Bytyqi do të jetë deputetja e re në Kuvendin e Kosovës, pas rinumërimit të votave në disa vendvotime.
Ajo do të zë vendin e Meliza Haradinaj-Stublla, në Kuvendin e Kosovës, pasi kjo e fundit pas numërimit të disa vendvotime mori më pak vota se Bytyqi.
Kjo e fundit tha se me Aleancën do të angazhohet për mirëqenin e secilit qytetarë.
Reagimi i plotë i saj:
Të nderuar qytetarë, të nderuara media,
Tash e tutje do të jem pjesë e Legjislaturës së re të Kuvendit të Republikës së Kosovës. Si deputete e re nga radhët e Aleancës do të bëj maksimumin tim që të jap kontribut në mirëqenien e secilit qytetar!
Aleanca duhet të punojë shumë në vete për të gjetur rrugën e duhur drejt ndryshimit. Kjo sfidë bëhet më e lehtë me vendosshmërinë tonë dhe përkrahjen tuaj, prandaj faleminderit për besimin!
Falenderoj gjithashtu kryetarin z. Ramush Haradinaj për mbështetjen e dhënë! Ky privilegj më shton vullnetin dhe përgjegjësinë për angazhim më të fortë në interes të qytetarëve!
Jemi bashkë e na priftë e mbara!
(Kosova Sot Online)
