“Britmat e tyre pas eksplodimit do të mbeten çdo herë në kujtesën time”, Peci ishte dëshmitar i masakrës së tregut në Mitrovicë

  • E.K /
  • 13 mars 2021 - 17:28
 “Britmat e tyre pas eksplodimit do të mbeten çdo herë në kujtesën time”, Peci ishte dëshmitar i masakrës së tregut në Mitrovicë

Deputeti i zgjedhur për këtë legjislaturë, Faton Peci ishte vetëm 30-40 metra nga vendi ku shpërtheu bomba në masakrën e tregut në Mitrovicë, 22 vjet më parë.

Deputeti i zgjedhur i Lëvizjes Vetëvendosje, Faton Peci, ka rrëfyer një gjë të padëgjuar. Ai ishte dëshmitar i Masakrës së Tregut që ndodhi 22 vite më parë.

Peci thotë se ishte vetëm 30-40 metra nga momenti i shpërthimit, dhe thotë që nuk do t’i harrojë britmat.

Statusi i plotë:

Sot 22 vite më parë, për koiçidencë e shtunë, ditë tregu në Mitrovicë, isha dëshmitar i masakres që u realizua përmes një predhe në tregun e qytetit.

Në kujtesë e kam të ngulitur momentin e shpërthimit të predhës, ku unë isha në një distancë 30-40 metra. Britmat e qytetarëve pas eksplodimit do të mbeten çdo herë në kujtesën time.

Edhe pse vetëm 15 vjeçar për mua indikative kanë qenë 2 elemente që janë tregues që masakra ishte rralizuar nga regjimi gjenocidal i Millosheviqit:

1. Policia nuk ishte prezent tek udhëkryqi i tregut, ku si rëndom qëndronin;

2. Helikopteri për pak sekonda është ngritur nga kazerma ushtarake në lagjen Bair, pas eksplodimit.

Kosova e pagoi cmimin e madh të lirisë, duke derdhur gjakun edhe të qytetarëve civil të pafajshëm.

I perjetshëm kujtimi për të rënët!

(Kosova Sot Online)