Lexoni edhe:
Ringjallja e LDK-së së përmbysur nga politika staliniste e Isa Mustafës, mision me plotë të panjohura për kryetarin e ri Lumir Abdixhiku!
MPJD i jep leje Petar Petkoviqit të hyjë në Kosovë
Ministria e Punëve të Jashtme dhe Diasporës, i ka dhënë leje drejtorit të ashtuquajturës “Zyra për Kosovën” në Qeverinë e Serbisë, Petar Petkoviq, që të qëndrojë në Kosovë për dy ditë.
Kjo është konfirmuar nga MPJD-ja përmes një komunikate për media.
“Ministria e Punëve të Jashtme dhe Diasporës (MPJD) ka aprovuar kërkesën e Zyrës Ndërlidhëse të Serbisë në Kosovë, për lejim të hyrjes në Republikën e Kosovës të zyrtarit serb, Petar Petkoviq, për datat 16-17 mars 2021”, thuhet në komunikatë.
Tutje, bëhet e ditur se kërkesa është bërë bazuar në marrëveshjen për vizat zyrtare të nënshkruar në Bruksel në vitin 2014.
“MPJD e Republikës së Kosovës kërkon që gjatë kësaj vizite të respektohet protokolli dhe agjenda nga ana e z. Petkoviq, si dhe të përmbahet nga deklaratat politike, gjuha nxitëse dhe nga retorikat kundër shtetit të Kosovës”, thuhet në njoftim.
Ministria e Jashtme dhe Diasporës ka deklaruar se mosrespektimi i agjendës dhe deklaratat kundër shtetësisë së Kosovës, do të ndikojnë në refuzimin e vizitave tjera nga Serbia.
“Mosrespektimi i agjendës dhe deklaratat politike kundër shtetësisë së Republikës së Kosovës do të ndikojnë në refuzimin e vizitave të tjera nga Serbia”, thuhet në deklaratën e MPJD’së.
(Kosova Sot Online)
