Tomë Gashi: Specialja nuk na i dha pajisjet e OVL-UÇK-së

Prokuroria Speciale në Hagë nuk ua ka dhënë pajisjet e OVL-UÇK-së, që janë konfiskuar më 25 shtator të vitit të kaluar në zyret e kësaj organizate.

Avokati i kësaj organizate Tomë Gashi ka thënë se pavarësisht që janë ftuar që t’i marrin ato, të njëjtat nuk u janë dhënë atyre.

Lexoni edhe:

Rrugëtimi i Armend Mehajt, nga misionet paqeruajtëse nëpër botë në Ministër të Mbrojtjes në Kosovë

Më tutje Gashi tha se kanë kërkuar raport se çfarë është gjetur në ato pajisje.

“Para dy ditësh jemi njoftuar nga Prokuroria Speciale që ditën e sotme të vij unë si përfaqësues i OVL-UÇK-së apo z.Faton Klinaku. Kam ardhur këtu me kërkesë të shkruar por kanë vendosur që të mos na i japin pajisjet. Unë besoj që mosdhënia e pajisjeve edhe pse ishte kërkesë e tyre që ne të vinim. Ne kërkuam që të na japin një raport se çfarë është gjetur në ato pajisje që janë konfiskuar me 25 shtator të vitit të kaluar”, ka thënë Gashi.

Gashi tha se arsyetimi i tyre për mosdhënien e këtyre pajisjeve është se nuk kanë qenë të përgatitur për t’i dhënë ato.

“Tani nuk janë të përgatitur që të na i japin pajisjet për të cilat na kanë ftuar”, ka thënë ai.

(Kosova Sot Online)