Lexoni edhe:
Oligarku rusofil Behxhet Pacolli ja kalon edhe Listës Serbe, nuk merr pjesë në seancën konstituive të Kuvendit për dhënien e betimit
Serbia ashpërson masat, propozohet që askush të mos futet në vend pa certifikatë të vaksinës Anti-COVID
Shati i Krizave, në koordinim me Qeverinë e Ana Bërnabiqit, kanë marrë vendim që mos të ketë zbutje të masave.
Propozimi më i ashpër del të jetë kalimi i kufinjëve nga shtetasit e tyre dhe ata të huaj.
“Të gjithë qytetarët e Serbisë dhe të huajt mund të futen në Serbi vetëm me certifikatë vaksinimi”, shkruan e përditshmja “Danas”.
Sipas tyre, vaksinimi i plotë nënkupton marrjen e dy dozave të vaksinës Pfizer, Sinofarm dhe Sputnik ose një dozë të vaksinës AstraZeneca.
Pas sesionit, Shtabi i Krizave gjithashtu rekomandoi që studentët që ndjekin klasat në internet mund të shkojnë në shkollë vetëm për vlerësim.
Epidemiologu dhe anëtar i Shtabit të Krizave, Branislav Tiodorovië, tha se Serbia duhet të durojë edhe këtë javë me masat ekzistuese sepse situata në spitale është e vështirë.
“Ne duhet të jemi realistë, ta shikojmë situatën në mënyrë objektive. Sonte ishte një natë e vështirë, gjendja ishte edhe më e ndërlikuar, spitalet ishin pothuajse të mbushura”, deklaroi epidemiologu Branislav Tiodorovië.
Ai deklaroi se, sipas të dhënave të fundit, përqindja më e lartë e rasteve të reja të infeksionit me koronavirus është në mesin e popullatës së moshës 30 deri në 55 vjeç, por që shkalla më e lartë e vdekshmërisë është te personat mbi 65 vjeç.
Ndryshe, dje në Serbi janë regjistruar 5,475 raste të reja të koronavirusit dhe 36 vdekje.
(Kosova Sot Online)
