Klinaku: Gjykata Speciale edhe sot dëshmoi se nuk është serioze

  • S.A /
  • 24 March 2021 - 13:05
Klinaku: Gjykata Speciale edhe sot dëshmoi se nuk është serioze

Ushtruesi i detyrës të kryetarit të OVL të UÇK-së, Faton Klinaku në një konferencë për media, ka thënë se me veprimin e sotëm, për moskthimin e pajisjeve të konfiskuara në këtë seli, Gjykata Speciale edhe njëherë u dëshmua se nuk është serioze. Madje ai ripërsëriti qëndrimin se Gjykata Speciale është politike.

“Neve na kanë thënë që do t’i kthejnë ato pajise në zyrat tona, por me kërkesë të tyre për shkak të sigurisë, kanë kërkuar që më 24 mars të shkojmë t’i marrim ato pajisje. Për këtë kemi autorizuar avokatin Tomë Gashi të shkojë sot në zyrat e EULEX në Fushë Kosovë, dhe kjo gjykatë nuk i ka dorëzuar”, tha ai.

Ndërsa, avokati Tomë Gashi theksoi se sot në orën 10:00 kanë shkuar në selinë e EULEX për ti marr pajisjet, por ato nuk u dorëzuan.

Gashi tha se pajisjet që i kanë konfiskuar nuk ka asgjë inkriminuese, dhe siç tha ai s’ka pas as nuk mund të ketë.

“Nuk kanë dhënë ndonjë afat se kur do t’i dorëzojnë ose kthehen pajisjet. Ata një ditë duhet t’i kthejnë, Gjykata speciale duket se e ka humbur rrugën dhe kështu po tregohet jo serioze”.

Ai po ashtu tha se edhe nëse kthehen pajisjet, duhet të ketë nië raport për gjetjet.

(Kosova Sot Online )