Lexoni edhe:
Vjedhësit e fondeve të luftës duhet hetuar dhe ndëshkuar nga drejtësia e pastruar dhe reformuar, mjaft ka heshtur e bllokuar kjo drejtësi e korruptuar!
Albin Kurti planifikon ta bëjë një vizitë në Shtetet e Bashkuara të Amerikës sa më shpejt që është e mundur. Këtë, kryeministri i ri i Kosovës e tha në një postim në Twtitter, ku njoftoi se ka zhvilluar një bisedë telefonike me senatoren amerikane, Joni Ernst.
Përveç forcimit të bashkëpunimit, Kurti tha se me Ernst kanë rënë dakord që ta vizitojnë njëri-tjetrin sa më shpejt që është e mundur.
“Ne ramë dakord të forcojmë bashkëpunimin tonë dhe të vizitojmë njëri-tjetrin sa më shpejt të jetë e mundur”, ka shkruar Kurti.
“Ishte kënaqësi të bisedoj me senatoren Joni Ernst, e cila është përkrahëse e palëkundur e Kosovës në Senatin e ShBA-së. Ajo është nënkryetare e Konferencës Republikane të Senatit dhe bashkudhëheqëse e Grupit të Senatit për Çështjet Shqiptare. Ajo ka luajtur rol jetik në forcimin e Forcave tona të Sigurisë”, shkroi Kurti paraprakisht.
Tutje, Kurti tha se e ka falenderuar atë për përkrahjen e FSK-së.
“E falënderova atë për përkrahjen e vazhdueshme për Forcat tona të Sigurisë, të cilat janë duke u transformuar në një ushtri profesionale, duke punuar në krah me Shtetet e Bashkuara për promovimin e paqes dhe stabilitetit në botë”, thuhet në postimin e kryeministrit të Kosovës.
It was a pleasure to talk with @SenJoniErnst who is a staunch supporter of Kosova in the U.S Senate. She is Vice Chair of the Senate Republican Conference, and co-chair of the #SenateAlbanianIssuesCaucus. She played a crucial role in strengthening our Security Forces. pic.twitter.com/IyUiRk2iup
— Albin Kurti (@albinkurti) March 25, 2021
(Kosova Sot Online)