Lexoni edhe:
E konfirmon Abdixhiku: Do të jemi aty kur të votohet Vjosa për presidente
Kryetari i Lidhjes Demokratike të Kosovës, Lumir Abdixhiku, pret që të gjithë deputetët e këtij subjekti politik, përfshirë Agim Veliun e Driton Selmanajn, ta respektojnë vendimin e Kryesisë së partisë për të qëndruar në sallën e Kuvendin kur Vjosa Osmani do të votohet për presidente. Ky veprim i jep mbështetje kësaj të fundit për t’u zgjedhur në pozitën e shefes së shtetit.
Abdixhiku ka thënë se diskutime do të ketë gjithnjë në LDK, por shtoi se pret respektim të këtij vendimi të partisë prej secilit deputet.
E konfirmon Abdixhiku: Do të jemi aty kur të votohet Vjosa për presidenteLexoni edhe:
“Fillimisht ju kisha lutur që të keni mirëkuptim dhe të mos i personalizoni gjërat në emra individualë. Kemi diskutim, do të kemi diskutim në vazhdimësi. Unë pres që secili deputet i LDK-së ta respektojë vendimin e Kryesisë së Lidhjes Demokratike të Kosovës”, tha Abdixhiku, duke komentuar mundësinë që deputetë si Agim Veliu e Driton Selmanajn të mos e respektojnë vendimin për të qëndruar në sallë kur Vjosa Osmani të votohet për presidente.
Ai tha se i ka kërkuar deputetëve që ta mbështesin propozimin e tij, duke theksuar se ua ka bërë të ditur atyre edhe vendimin e Kryesisë, që për të është më i rëndësishmi.
“Siç e kam informuar Kryesinë, e kam informuar edhe Grupin Parlamentar. Mbi të gjitha e kam informuar për vendimin e Kryesisë, që është organi më i lartë partiak. Ju kam kërkuar mbështetje në këtë drejtim dhe pres mbështetje nga të gjithë deputetët e LDK-së”, tha Abdixhiku.
“Nuk komentoj situata hipotetike”, ka thënë kryetari i LDK-së kur është pyetur se çfarë do të ndodhte nëse disa deputetë të kësaj partie nuk do të qëndronin në sallë ditën kur votohet Vjosa Osmani.
(Kosova Sot Online)