Lexoni edhe:
Sazan Ibrahimi: Nuk ka pasur koordinim me kryetar komunash për masat e reja anti-Covid
Holanda ndalon plotësisht vaksinimin me AstraZeneca
Holanda njoftoi sot se ka pezulluar përkohësisht përdorimin e vaksinave të koronavirusit të AstraZeneca deri në 7 Prill.
Ministria e Shëndetësisë e Holandës njoftoi dje se vaksinimi i personave deri në moshën 60-vjeç është ndërprerë përkohësisht, por pas konsultimeve me shërbimin shëndetësor, ata vendosën sot që të ndërpresin vaksinimin e të gjithëve me atë vaksinë, raporton agjencia e lajmeve Hina.
Rreth 700 persona mbi moshën 60-vjeç duhej të merrnin vaksinën AstraZeneca në ditët në vijim, por vaksinimi i tyre u anulua gjithashtu përkohësisht.
Pas vaksinimit, kishte pesë raste të mpiksjes së gjakut në gratë e moshës 25 deri 65-vjeç dhe një person vdiq.
Hetimet janë duke u zhvilluar për të përcaktuar nëse rastet janë shkaktuar nga vaksinimi, thanë autoritetet.
Deri më tani, rreth 400.000 njerëz në Holandë janë vaksinuar me AstraZeneca-n.
(Kosova Sot Online)
