Lexoni edhe:
Mjaft me institucione të kapura nga krimi, drejtësia duhet të zgjohet nga “gjumi” i dy dekadave të humbura
Disa oficerë policie në Shtetet e Bashkuara janë incizuar duke u tallur me një grua 77-vjeçare me demencë përderisa e shikonin videon e arrestimit të saj me forcë. Pamjet i publikoi avokatja e gruas së arrestuar.
Karen Garner u ndalua nga policia më 26 qershor të vitit të kaluar, pasi kishte dalë nga një dyqan në Kolorado pa i paguar gjësendet me vlerë të 13 dollarëve. Avokati i saj tha se policët gjatë arrestimit ia thyen bërrylin dhe ia nxorën nga vendi krahun, shkruan BBC.
Në pamjet e publikuara të hënën nga stacioni i policisë ditën e arrestimit, policët shihen duke e prekur me krah njëri-tjetrin përderisa e shikojnë videon e incidentit. Përderisa e shikojnë videon, njëri nga policët dëgjohet duke thënë: “Gati për kërcitjen? A e dëgjuat kërcitjen? E dua këtë.”
Avokatja e familjes së gruas së arrestuar ka paraqitur padi kundër policisë, duke pretenduar se oficerët e kanë shkelur Aktin e Amerikanëve me Aftësi të Kufizuara dhe se e kanë sulmuar dhunshëm zonjën Garner.
Avokatja Sarah Schielke tha se klientja e saj është mbajtur gjashtë orë pa ndihmë mjekësore, ndonëse ka qenë e hutuar dhe duke qarë nga dhimbjet pas arrestimit që, sipas saj, mund të cilësohet si torturë.
(Kosova Sot Online)