Lexoni edhe:
Analfabetët në prokurori dhe gjykata, e penalizojnë shtetin e Kosovës!
Shikojeni parashikimin që e kishte bërë Edi Rama për rezultatin e zgjedhjeve
Partia Socialiste në krye me Edi Ramën ka fituar për të tretën herë radhazi zgjedhjet në Shqipëri, gjë që nuk kishte ndodhur asnjëherë në historinë politike shqiptare.
Kur numërimi i votave ka përfunduar, dihet qartë që socialistët kanë marrë gjithsejtë 74 mandate, Partia Demokratike në krye me Lulëzim Bashën ka marrë 59 mandate, LSI e Monika Kryemadhit ka marrë vetëm 4 mandate, derisa Partia Socialdemokrate e Tom Doshit ka marrë 3 mandate.
Por cili kishte qenë parashikimi i Edi Ramës për rezultatin e zgjedhjeve, derisa nëpër qoshe të ndryshme të Shqipërisë bënte fushatë.
Në një video të siguruar nga media, kryeministri i Shqipërisë, Edi Rama, më 10 prill 2021, shihet teksa jep projeksionet e tij për rezultatin që do të marrë partia e tij në zgjedhje, teksa pi kafe me disa banorë të Kuçit.
Parashikimi i Ramës del të jetë plotësisht i saktë, derisa thotë se rezultati final i zgjedhjeve do të shkojë nga 74 deri në 78 mandate.
Madje kreu i PS’së e parashikon me shumë saktësi edhe në cilat qytete do të humbte, duke përmendur Kukësin, Shkodrën dhe Dibrën, derisa në qytetet tjera thoshte se e kishte të sigurt fitoren.
Në video Rama dëgjohet teksa thotë “ merreni e ruajeni këtë letër, e ma këndoni pastaj”, teksa shoqërohej nga Damian Gjinkuri.
(Kosova Sot Online)
