Lexoni edhe:
Prokurorët frikacak, bishta të politikës, të shkojnë në shtëpi
Time Kadrijaj - Besnik Bislimit: Është marre me thënë që s’kemi gjetë dokumente, hallakatni
Zëvendëskryeministri Besnik Bislimi është duke raportuar në Komisionin Parlamentar për Politikë të Jashtme lidhur me vizitën e fundit në Bruksel. Deputetja e AAK-së, Time Kadrijaj e ka pyetur edhe lidhur me deklaratat e kryeministrit Albin Kurti se më shumë dokumente për dialogun kanë marrë në Bruksel sesa në Kosovë nga ish-kryeministri Avdullah Hoti.
“Ato dokumente kurrkush nuk i ka marrë në shtëpi. Është marre me thanë që s’kemi gjetë kurrgjë”, i ka thënë Kadrijaj – Bislimit.
Ndërsa Bislimi ka treguar se çfarë sipas tij mungon në dokumentacionin e dorëzuar nga Hoti.
“Z. Hoti kur e ka dorëzuar dokumentacionin, e ka dorëzuar edhe listën. Qëto janë. Mos folni pa asnjë informatë”, tha Bislimi fillimisht.
“Hallakatni more pak”, i tha Kadrijaj.
Ndërsa Bislimi tha se në dosjen e dorëzuar nga Hoti mungon përshkrimi i procesit se si kanë evoluar qëndrimet e dy palëve në tavolinën e dialogut.
“Nuk e përmban dinamikën e tyre. Në disa pjesë nuk dihet a ka qenë ky qëndrimi zyrtar apo tjetër”, tha Bislimi.
(Kosova Sot Online)
