Lexoni edhe:
Vritet një burrë në Pejë
Albulena Haxhiu thotë se nuk po ndërhyn në drejtësi
Ministrja e Drejtësisë, Albulena Haxhiu i ka reaguar Këshillit Prokurorial të Kosovës se ajo po ndërhyn në sistemin e drejtësisë.
Haxhiu ka shkruar se janë të pa pranueshme akuzat e sistemit prokurorial.
“Për mua si Ministre e Drejtësisë janë të papranueshme akuzat e sistemit prokurorial kinse për ndërhyrje në drejtësi. Përpjekjet për instalimin e transparencës dhe meritokracisë nuk janë ndërhyrje. Ndërhyrje mund t’i duken vetëm atyre që janë të përfshirë në kalkulime”, ka shkruar Haxhiu.
Tutje ministrja e Drejtësisë ka thënë se deklaratat e saj janë në përputhje me kriteret ligjore.
“Deklarimet e mia janë të qëndrueshme dhe në përputhje me kriteret kushtetuese e ligjore në kuptim të ndarjes së pushteteve dhe me qëllim të adresimit sa më adekuat të problemeve. Asnjëherë nuk do t’i mbyllë sytë kundrejt të njëjtave. Si Ministre e Drejtësisë, do të vazhdoj tutje që me përkushtim të adresoj problemet e sistemit të drejtësisë brenda kompetencave të mia kushtetuese dhe ligjore, në kuptim të ndërtimit të një sistemi sa më profesional, të pavarur dhe efikas. Vetëm kështu mund të kthehet besimi i qytetarëve në institicionet e drejtësisë. Këtë e kemi obligim”, ka shkruar Haxhiu.
(Kosova Sot Online)
